Ղազախստանում հայ խաղաղապահների խնդիրը ռազմավարական օբյեկտների պահպանությունն է

Loading...

Հայ խաղաղապահների խնդիրը ռազմավարական նշանակության օբյեկտների պահպանությունն է լինելու։ Այս մասին հայտնել է Հայաստանի արտգործնախարարության խոսնակ Վահան Հունանյանը։

ԱԳՆ լրատվականի փոխանցմամբ՝ ի պատասխան «Արմենպրես» գործակալության հարցերի Հունանյանը նշել է նաև, որ այս պահի դրությամբ Հայաստանի կառավարությունը Ղազախստանից ՀՀ քաղաքացիներին տարհանելու մտադրություն չունի, և որ այդ երկրում տեղի ունեցող իրադարձությունների հետևանքով ՀՀ քաղաքացիների շրջանում տուժածներ չկան։

Ղազախստանում զանգվածային անկարգությունները սկսվել են հունվարի 1-ից, երբ ուժի մեջ է մտել հեղուկ գազի մեկ լիտրի գինը ավելի քան կրկնակի բարձրացնելու որոշումը: Հետագայում կառավարությունը չեղարկել է որոշումը, սակայն զանգվածային բողոքները շարունակվել են: Նախորդ օրերին դրանք վերաճեցին զինված բախումների, որոնց հետևանքով տասնյակ զոհեր և հարյուրավոր վիրավորներ կան։

Երկրի իշխանությունները օգնության համար դիմել են ՀԱՊԿ-ին, որի խաղաղապահները ժամանում են Ղազախստան։ Հայաստանի կառավարությունը երեկ որոշում է ընդունել հայ խաղաղապահների Ղազախստան մեկնելու մասին։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button