Ղրղըզստանի խորհրդարանը հավանություն տվեց ՀԱՊԿ կազմում Ղազախստան զորախումբ ուղարկելուն

Loading...

Ղրղըզստանի խորհրդարանը հավանություն տվեց ՀԱՊԿ-ի կազմում Ղազախստան զորախումբ ուղարկելու առաջարկին։ Տեղական լրատվամիջոցների փոխանցմամբ՝ կողմ է արտահայտվել 69, դեմ՝ 7 պատգամավոր։

Սա երկրորդ քվեարկությունն է, առաջինի արդյունքները չեղյալ էին հայտարարվել անհրաժեշտ թվով կողմ ձայների բացակայության պատճառով։

Այսօրվա նիստն ուղեկցվել է բողոքի ակցիաներով, որոնց մասնակիցները պահանջում են ձեռնպահ մնալ Ղազախստան զորք ուղարկելուց։

Ղրղըզստանը հարևան երկիր կուղարկի 150 զինծառայողից կազմված զորախումբ, 8 միավոր զրահատեխնիկա և 11 մեքենա։ Ղրղըզստանի իշխանությունները պնդում են, որ իրենց զինվորականները կզբաղվեն բացառապես ռազմավարական կառույցների պաշտպանությամբ, այլ ոչ թե ցուցարարներին ցրելով։

Ղազախստանում զանգվածային անկարգությունները սկսվել են հունվարի 1-ից, երբ ուժի մեջ է մտել հեղուկ գազի մեկ լիտրի գինը ավելի քան կրկնակի բարձրացնելու որոշումը: Հետագայում կառավարությունը չեղարկել է որոշումը, սակայն զանգվածային բողոքները շարունակվել են: Նախորդ օրերին դրանք վերաճեցին զինված բախումների, որոնց հետևանքով տասնյակ զոհեր և հարյուրավոր վիրավորներ կան։

Երկրի իշխանությունները օգնության համար դիմել են ՀԱՊԿ-ին, որի խաղաղապահները ժամանում են Ղազախստան։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button