Ռուսական կոնտինգենտի հիմնական ուժերը պատրաստվում են Ղազախստան թռչել

Loading...

ՀԱՊԿ խաղաղապահ ուժերի ռուսական կոնտինգենտի հիմնական ուժերը պատրաստվում են Ղազախստան թռչել: Այս մասին ասվում է Ռուսաստանի պաշտպանության նախարարության տարածած հաղորդագրությունում։

Գերատեսչության տվյալներով՝ ՀԱՊԿ ռուս խաղաղապահների այն ստորաբաժանումները, որոնք արդեն Ղազախստանում են, սկսել են առաջադրանքներ կատարել և ապահովել խաղաղապահ զորախմբի հիմնական ուժերի ընդունումը։

ՀԱՊԿ Հավաքական անվտանգության խորհրդի հունվարի 6-ի որոշման համաձայն՝ հավաքական խաղաղապահ ուժերը սահմանափակ ժամանակով ուղարկվում են Ղազախստան՝ իրավիճակը կայունացնելու և կարգավորելու համար։

Ղազախստանում զանգվածային անկարգությունները սկսվել են հունվարի 1-ից, երբ ուժի մեջ է մտել հեղուկ գազի մեկ լիտրի գինը ավելի քան կրկնակի բարձրացնելու որոշումը: Հետագայում կառավարությունը չեղարկել է որոշումը, սակայն զանգվածային բողոքները շարունակվել են: Նախորդ օրերին դրանք վերաճեցին զինված բախումների, որոնց հետևանքով տասնյակ զոհեր և հարյուրավոր վիրավորներ կան։

Երկրի իշխանությունները օգնության համար դիմել են ՀԱՊԿ-ին։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button