ՌԴ ՊՆ-ը նոր մանրամասներ է հաղորդում Ղազախստանում ՀԱՊԿ զորախմբի գործունեության մասին

Loading...

Ռուսաստանի պաշտպանության նախարարությունը նոր մանրամասներ է հրապարակել Ղազախստանում գտնվող ՀԱՊԿ զորախմբի գործողությունների մասին։

Ռուսաստանի ռազմական գերատեսչության տեղեկություններով՝ այս պահին ՀԱՊԿ զորախումբն իր պահպանության տակ է առել օդանավակայանները, հացի գործարանները, ջերմաէլեկտրակայանները, զինապահեստները, ինչպես նաև մի շարք այլ պետական, ռազմական և սոցիալական նշանակություն ունեցող օբյեկտներ։

Ռուսաստանի ՊՆ-ը նաև տեղեկացնում է, որ զորախմբի զինծառայողներն իրադրությանը հետևում են անօդաչու թռչող սարքերի օգնությամբ։

TACC գործակալության փոխանցմամբ՝ ՀԱՊԿ զորախմբի գլխավոր բազան Ալմաթիի բարձրագույն համազորային ուսումնարանի տարածքում է։

ՀԱՊԿ-ի հավաքական խաղաղապահ ուժերի ստորաբաժանումները հունվարի 6-ին են սկսել առաջադրանքներ կատարել Ղազախստանում: Այդ երկրի իշխանությունները օգնություն էին խնդրել կազմակերպությունից դրանից մեկ օր առաջ, երբ բողոքի ակցաները վերածվել էին արյունալի բախումների։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button