Բլինքենը քննարկել է ԱՄՆ-Ռուսաստան բանակցությունները Ուկրաինայի և ԵՄ գործընկերների հետ

Loading...

Միացյալ Նահանգների պետքարտուղարը երեկ քննարկել է Վաշինգտոնի և Մոսկվայի միջև բանակցությունները Ուկրաինայի ու Եվրամիության դաշնակիցների և գործընկերների հետ: Այս մասին հայտնել է Պետդեպարտամենտի խոսնակ Նեդ Փրայսը։

Նրա խոսքով՝ Էնթոնի Բլինքենը հեռախոսազրույց է ունեցել Ուկրաինայի արտգործնախարար Դմիտրի Կուլեբայի հետ։ Նշելով երկու երկրների ընդհանուր մտահոգությունը ուկրաինական սահմանի մոտ ռուսական զինուժի շարունակական կուտակման կապակցությամբ՝ Բլինքենը և Կուլեբան քննարկել են Ժնևում կայացած բանակցությունների արդյունքը և հետագա քայլերը ՆԱՏՕ-Ռուսաստան հանդիպմանն ընդառաջ։

Բլինքենն ուկրաինացի գործընկերոջը ներկայացրել է նաև իր ակնկալիքները՝ կապված Եվրոպայում անվտանգության և համագործակցության կազմակերպության (ԵԱՀԿ) մշտական խորհրդի առաջիկա նիստի հետ, որը կկայանա վաղը Վիեննայում։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button