Կրթության ոլորտի աշխատողների գործադուլ, ցույցեր Ֆրանսիայում

Loading...

Ֆրանսիայում ուսուցիչների և կրթության ոլորտի այլ աշխատողների գրեթե 40 տոկոսը՝ ըստ պաշտոնական տվյալների, երեկ մասնակցել է կորոնավիրուսի համավարակի հետ կապված անընդհատ փոփոխվող կանոնների դեմ գործադուլին։

Անցած 8 օրվա ընթացքում սանիտարական կանոնները երեք անգամ փոփոխվել են։ Կորոնավիրուսի տարածման պատճառով երկրում այս պահին ավելի քան 10 հազար դասարան տեղափոխվել է հեռավար ուսուցման։ Ուսուցիչներն ասում են, որ իրենց փողոց են բերել հոգնածությունն ու դժգոհությունը:

Մանկավարժները մտահոգված են նաև, որ հեռակա աշխատանքի և սթրեսի պատճառով ավագ դպրոցի աշակերտները չեն դիմանա մարտին նախատեսված մասնագիտացման նոր քննություններին։

Փարիզում ցույցին միացել է ավելի քան 8 հազար մարդ։ Ընդհանուր առմամբ, արհմիությունների կոչով երկրում անցկացվել է 136 ցույց, դրանց մասնակցել են նաև դպրոցականների ծնողների ասոցիացիաների ներկայացուցիչներ։ Արհմիությունների տվյալներով՝ որոշ դպրոցներում ուսուցիչների 75 տոկոսը չի եկել աշխատանքի։
Կրթության համակարգի այս գործադուլը վերջին շրջանում ամենախոշորն էր։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button