Ուկրաինայի կառավարության կայքերը ենթարկվել են հաքերային հարձակման

Loading...

Ուկրաինայի կառավարության մի շարք պաշտոնական կայքէջեր ենթարկվել են հաքերային հուժկու գրոհի: Դա տեղի է ունեցել Ուկրաինայի և Ռուսաստանի գերլարված հարաբերությունների և Ուկրաինայի սահմանների մոտ ռուսական 100-հազարանոց զորքի կուտակման ֆոնին:

Հարձակման ենթարկվելու մասին առաջինը հայտնել է Ուկրաինայի կրթության նախարարությունը:

Ավելի ուշ կառավարությունը հայտնել է, որ կիբերհարձակման ընթացքում կառավարական կայքէջերի բովանդակությունը չի փոխվել, և անձնական տվյալների կորուստ չի գրանցվել:

Հաքերային գրոհի ընթացքում Ուկրաինայի արտաքին գործերի նախարարության կայքէջում հայտնվել է «Վախեցեք և և վատթարը սպասեք» ուկրաիներեն, լեհերեն և ռուսերեն գրությունը:

Որևէ խմբավորում դեռ պատասխանատվություն չի ստանձնել այդ գրոհի համար:

Եվրամիության արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը դատապարտել է գրոհը և ասել է, որ Եվրամիության կիբերանվտանգության կառույցները կօգնեն Ուկրաինային:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button