Ղազախստանում հունվարի 18-ի լույս19-ի գիշերն ավարտվել է անկարգությունների կապակցությամբ սահմանված արտակարգ դրության ժամկետը:
Կառավարությունը հայտնել է, որ «սահմանադրական կարգը երկրում արդեն վերականգնված է, սակայն հակաահաբեկչական գործողությունը կշարունակվի»:
Արտակարգ դրությունը հունվարի 5-ին սահմանվել է նախագահ Կասիմ-Ժոմարտ Տոկաևի հրամանագրով՝ այն բանից հետո, երբ երկրում հունվարի 2-ին սկսվել են զանգվածային ցույցեր և անկարգություններ, որոնց պատճառ է դարձել հունվարի 1-ից հեղուկ գազի գինը բարձրացնելոը որոշումը: Հետագայում այն չեղարկվել է, բայց զանգվածային ընդվզումները շարունակվել են:
Ղազախստանի իշխանությունները դեռևս չեն ներկայացրել փաստեր, որոնք կվկայեն ցույցերին ահաբեկիչների մասնակցության և ընդվզումները դրսից ուղղորդելու մասին:
Ղազախստանի իրավապահները խոստացել են համապատասխան փաստեր տրամադրել անկարգությունների գործերով ընթացող հետաքննությունների ավարտից հետո:
