Ղազախստանում «ապստամբության» հետևում կանգնած ուժերը անտեսանելի են. Լուկաշենկո

Loading...

Ղազախստանում իրավիճակի սրման հետևում կանգնած են մի շարք երկրների անվտանգության ծառայություններ, հայտարարել է Բելառուսի նախագահ Ալեքսանդր Լուկաշենկոն՝ առանց փաստարկներ ներկայացնելու։

Փոխարենը նա պնդել է, որ Ղազախստանում «ավազակախմբերի» և « ապստամբության» հետևում կանգնած ուժերը անտեսանելի են: «Մեզ մոտ նրանք տեսանելի էին՝ Լիտվան, Լեհաստանը, այնուհետև Ուկրաինան։ Իսկ ֆինանսավորել և ուղղորդում էին ամերիկացիները», — Ալեքսանդր Լուկաշենկոյի խոսքերն է մեջբերում «Բելտա» պետական գործակալությունը։

Ղազախստանի իշխանությունները ևս պնդում են, որ հունվարին տեղի ունեցած հակակառավարական բողոքի ցույցերի հետևեւում կանգնած են «օտար ուժեր»՝ մինչև օրս չներկայացնելով այդ պնդումը հավաստող որևէ ապացույց։

Ղազախստանի նախագահը ՀԱՊԿ -ի գործընկերներին օգնության կոչով դիմելիս բողոքի ցույցերը որակել է արտաքին ագրեսիայի ակտ՝ հայտարարելով` ահաբեկչական խմբավորումները արտերկրում լուրջ պատրաստություն են անցել։ Թե որ երկիրը կամ երկրներն են ագրեսոր, ո՛չ Տոկաևը, ո՛չ խաղաղապահներ ուղարկած ՀԱՊԿ երկրների ղեկավարները չեն հստակեցրել:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button