ՆԱՏՕ-ն լրացուցիչ ռազմանավեր, կործանիչներ է ուղարկում Արևելյան Եվրոպա

Loading...

ՆԱՏՕ-ն իր զինված ուժերը բերել է մարտական պատրաստականության և լրացուցիչ ռազմանավեր, կործանիչներ է ուղարկում Արևելյան Եվրոպա՝ Ուկրաինայի մերձակայքում ռուսաստանյան զինված ուժերի ընդլայնման կապակցությամբ։

«ՆԱՏՕ-ի դաշնակիցների ուժերը մարտական պատրաստականության վիճակում են և լրացուցիչ ռազմանավեր, կործանիչներ են ուղարկում Արևելյան Եվրոպայում ՆԱՏՕ-ի տեղակայման վայրեր՝ ամրապնդելու զսպիչ միջոցներն ու դաշինքի պաշտպանությունը Ուկրաինայում և դրա շուրջ Ռուսաստանի ռազմական ներկայության ընդլայնման կապակցությամբ», — ասվում է Հյուսիսատլանտյան դաշինքի պաշտոնական կայքէջում երկուշաբթի օրը հրապարակված հաղորդագրությունում։

Դրանում նաև նշվում է, որ վերջին օրերին ՆԱՏՕ-ի անդամ մի շարք երկրներ հայտարարել են լրացուցիչ ուժերի ընթացիկ կամ սպասվող տեղափոխության մասին։ Աղբյուրի համաձայն՝ Դանիան ֆրեգատ է ուղարկում Բալթիկ ծով և պատրաստվում է Լիտվա տեղափոխել չորս F-16 կործանիչներ՝ տարածաշրջանի օդային տարածքում պարեկություն իրականացնելու համար։ Իսպանիան նաև նավեր է ուղարկում դաշինքի ռազմածովային ուժերին օգնելու համար և դիտարկում է Բուլղարիա կործանիչներ ուղարկելու հնարավորությունը։

Ուկրաինայի հետ սահմանին ռուսական զորքերի կուտակումների մասին Արևմուտքն ահազանգում է անցած տարվա աշնանից։ Իրավիճակը մնում է լարված, Ռուսաստանը հետ չի քաշում իր զորքերը սահմանից, ավելին՝ նոր սպառազինություն և ուժեր է տեղափոխում Բելառուսի տարածք, որտեղ Ուկրաինայի սահմանի մոտ պատրաստվում է ռուս-բելառուսական համատեղ զորավարժություններ անցկացնել։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button