Փաշինյանը նախագահի հրաժարականի մասին տեղեկացել է հրապարակվելուց ժամեր առաջ (թարմացվող)

Loading...

20:15

Այն փաստը, որ մենք սահմանադրական փոփոխությունների հանձնաժողով ենք ձևավորում, ամենևին էլ փաստ չէ, որ դա կպսակվի սահմանադրական փոփոխություններով, ասաց վարչապետը` հավելելով, որ խնդիր կա աուդիտի ենթարկել գործող Սահմանադրությունը, հասկանալ` ինչ լավարկման տեղեր կա:

20:04

Վարչապետ Նիկոլ Փաշինյանը նախագահի պաշտոնից հրաժարական տալու Արմեն Սարգսյանի որոշման հայտարարության հրապարակայնացումից մոտավորապես երեքուկես ժամ առաջ է տեղեկացել այս մասին:

«Նա հրապարակումից 3.5 ժամ առաջ զանգահարել է ինձ, ու մենք խոսել ենք այդ մասին: Ես հանրապետության նախագահին հարցրել եմ, թե ինքն ինձ հետ քննարկո՞ւմ է հարցը, թե՞ ինքն ինձ տեղեկացնում է, որ կայացրել է որոշում: Որից հետո ինքն ասել է, որ կայացրել է որոշում», — այսօր ասուլիսի ժամանակ հայտարարեց Նիկոլ Փաշինյանը:

«Այնուամենայնիվ, Սահմանադրության հետ կապված նախագահի դիրքորոշումները հայտնի են եղել, հայտնի են», — հավելեց նա:

Ըստ վարչապետի` նախագահի թեկնածուի հարցը իր քաղաքական թիմի հետ դեռ չեն քննարկել, միաժամանակ նշեց` «Քաղաքացիական պայմանագիր» խմբակցությունն է, որ պետք է ընտրի ՀՀ նախագահ. «Կարծում եմ` մենք պետք է գնանք այնպիսի լուծումների, որ հանրապետության նախագահի, կառավարության և խորհրդարանական մեծամասնության միջև լինի քաղաքական ներդաշնակություն»:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button