Վրաստանում կորոնավիրուսի հերթական ռեկորդն է գրանցվել

Վրաստանում մեկ օրում գրանցվել է կորոնավիրուսի 15 հազար 762 նոր դեպք։

Սա նոր դեպքերի ամենամեծ թիվն է համաճարակի ամբողջ ընթացքում։ Նախորդ ռեկորդը գրանցվել էր հունվարի 22-ին՝ 11 հազար 39 դեպք։

Վրաստանում COVID-19-ի զոհերի թիվը հասել է 14 հազար 774-ի։ Կառավարությունը հայտնել է, որ վերջին մեկ օրվա ընթացքում ևս 42 հիվանդ է մահացել կորոնավիրուսային վարակի հետևանքով առաջացած բարդություններից։