Մեծ Բրիտանիայի արտաքին գործերի նախարարԼիզ Թրասսը վարակվել է կորոնավիրուսով: Ախտորոշումը հաստատվել է Կիև կատարելիք այցի նախօրեին:
«Այսօր երեկոյան իմ հանձնած COVID-19 ստուգման պատասխանը դրական էր:Բարեբախտաբար, ես երեք անգամ պատվաստվել եմ, և մեկուսացման ընթացքում կաշխատեմ տնից»,- Թվիթերում գրել է Լիզ Թրասսը:
Նա պետք է ուղեկցեր վարչապետ Բորիս Ջոնսոնին, ով վաղը պետք է մեկնի Ուկրաինա:
Բրիտանիայում կորոնավիրուսի հետ կապված ինքնամեկուսացման տևողությունը 7 օր է:
Թրասսը մտադիր էր առաջիկա երկու շաբաթների ընթացքում այցելել նաև Մոսկվա և բանակցել Ռուսաստանի ԱԳ նախարար Սերգեյ Լավրովի հետ:
