Փետրվարի 1-ին հեռախոսազրույց են ունեցել Ռուսաստանի փոխարտգործնախարար Անդրեյ Ռուդենկոն և Հարավային Կովկասի ու Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարը։
Ռուսաստանի արտգործնախարարության հաղորդման համաձայն՝ զրուցակիցները հանգամանալից անդրադարձել են Անդրկովկասում անվտանգության և կայունության հարցերով Ժնևան միջազգային քննարկումների հարթակի ներկայիս իրավիճակին՝ հերթական 56-րդ փուլի նախաշեմին, ինչպես նաև Հայաստանի ու Ադրբեջանի միջև կարգավորման պրոցեսի ընթացքին։
Ռուսաստանի արտգործնախարարությունը նշում է, որ հեռախոսազրույցը կայացել է Տոյվո Կլաարի նախաձեռնությամբ։
Նշենք, որ ժնևյան հանդիպումների ձևաչափը ստեղծվել էր Վրաստանի ու Ռուսաստանի միջև առկա տարաձայնությունները քննարկելու ու առաջացած խնդիրները հնարավորության դեպքում լուծելու նպատակով։
