Թուրքիայի նախագահ Ռեջեփ Էրդողանը պաշտոնական այցով ժամանել է Կիև, որտեղ նախատեսված է հանդիպում Ուկրաինայի նախագահ Վլադիմիր Զելենսկու հետ։
Առանձնազրույցից բացի, նախագահները գլխավորելու են երկու երկրների ռազմավարական համագործակցության խորհրդի նիստը, որին մասնակցելու են թուրք և ուկրաինացի նախարարներ ու բարձրաստիճան այլ պաշտոնյաներ։
Թուրքիայի նախագահի աշխատակազմի հասարակայնության հետ կապերի բաժնի ղեկավար Ֆահրեթին Ալթունն այսօր Bloomberg-ին հայտնել է, որ Կիևը ցանկանում է նոր անօդաչու թռչող սարքեր գնել Անկարայից։
«Մինչ օրս Ուկրաինան գնել է 12 թուրքական անօդաչու թռչող սարք և գլխավոր շտաբի պետի մակարդակով նոր սարքեր ձեռք բերելու մտադրություն է հայտնել», – ասել է թուրք պաշտոնյան։
