Վերջին օրերին Ռուսաստանը Բելառուս է ուղարկել շուրջ 30 հազար զինծառայող և ժամանակակից սպառազինություն։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը։
Նրա խոսքով՝ սա ռուսական զորքերի ամենամեծ ռազմական տեղակայումն է Բելառուսում «սառը պատերազմի» ավարտից հետո։
Բրյուսելում լրագրողների հետ հանդիպմանը Հյուսիսատլանտյան ռազմական դաշինքի ղեկավարը նշել է, որ Մոսկվան հարևան երկիր է ուղարկել մասնավորապես հատուկ նշանակության ջոկատներ, Су-35 կործանիչներ, երկակի նշանակության հրթիռային համակարգեր՝ նախատեսված և՛ սովորական, և՛ ոչ միջուկային, և՛ միջուկային պատերազմ վարելու համար, «Իսկանդեր» հրթիռային և S-400 (C-400) հակաօդային պաշտպանության համակարգեր։
«Այդ ամենը տեղի է ունենում Ռուսաստանի միջուկային ուժերի ամենամյա զորավարժություններին զուգահեռ», – հավելել է Ստոլտենբերգը։
