ԱՄՆ նախագահ Ջո Բայդենը հայտարարել է, որ «Իսլամական պետության» առաջնորդ Աբու Իբրահիմ ալ-Հաշիմի ալ-Քուրաշին սպանվել է Սիրիայում ամերիկյան հատուկ ջոկատայինների հարձակման արդյունքում:
Հատուկ հայտարարությամբ Բայդենը նշում է, որ Սիրիայի հյուսիս-արևմուտքում հակաահաբեկչական գործողությունն իրականացվել է «հաջողությամբ», և որ ներգրավված բոլոր ամերիկյան զորքերը ապահով վերադարձել են։ Թեմայի վերաբերյալ Սպիտակ տան ղեկավարը խոստանում է մանրամասներ ներկայացնել օրվա ընթացքում։
Պենտագոնն ավելի վաղ հաստատել էր հատուկ գործողությունների մասին տեղեկությունները, սակայն թիրախը չէր բացահայտել:
AP-ն, վկայակոչելով դեպքի վայրում գտնվող ականատեսներին, հաղորդում է, որ 13 մարդ, այդ թվում՝ վեց երեխա և չորս կին, սպանվել է ավելի քան երկու ժամ տևած հարձակման հետևանքով:
