Հայաստանում նախորդ մեկ օրում հաստատվել է կորոնավիրուսի 2467 նոր դեպք` այդ թիվը հասնելով 389 հազար 957-ի: Առողջացածների թիվն ավելացել է 2280-ով, ընդհանուր մինչև հիմա ապաքինվել են 350 հազար 636-ը, հաղորդում է Առողջապահության նախարարությունը:
Այս պահին փաստացի բուժում է ստանում 29 հազար 681 քաղաքացի:
Երեկ իրականացվել է 6640 թեստավորում, ընդհանուր թեստավորումների թիվը հասել է 2 միլիոն 778 հազար 485-ի:
Գրանցվել է կորոնավիրուսից մահվան 5 դեպք, ընդհանուր` 8086, այլ պատճառով գրանցված մահվան ելքերի թիվը1554 է:
