Ֆրանսիայի նախագահը նախօրեին Կիևում կայացած ասուլիսում հայտնել է, որ Ուկրաինայի և Ռուսաստանի նախագահները իր հետ հանդիպումներում հաստատել են իրենց հանձնառությունը Մինսկի համաձայնություններին, ինչը, Էմանյուել Մակրոնի խոսքով, քաղաքական որոշման և խաղաղության հասնելու միակ ճանապարհն է։
Ուկրաինայի նախագահ Վլադիմիր Զելենսկու հետ համատեղ ասուլիսում Մակրոնը միաժամանակ նշել է, որ Ուկրաինայի հետ սահմանային իրավիճակը վատթարանում է։ Ռուսաստանը շարունակում է զորքերի կենտրոնացումը։
Ֆրանսիայի նախագահը նաև հայտնել է, որ Եվրամիությունը 1 միլիարդ 200 միլիոն եվրո կհատկացնի Ուկրաինային՝ տնտեսական բարեփոխումների համար։
