Վրաստանի նախկին նախագահ Միխեիլ Սաակաշվիլին իր դատավարության այսօրվա նիստում պահել է Ուկրաինայի դրոշը և երգել Ուկրաինայի օրհներգը։
Մինչ այդ նա իրեն առաջադրված մեղադրանքները անհիմն է համարել և դատախազությանն ու դատարանին մեղադրել կոռուպցիայի մեջ։ Նրա խոսքերի պատճառով կողմերի միջև լեզվակռիվ էր սկսվել։ Այնուհետև նրա փաստաբանները Ուկրաինայի դրոշը փոխանցել էին Սաակաշվիլին ու ձեռքի հեռախոսով միացրել Ուկրաինայի օրհներգը, որին Սաակաշվիլին սկսել էր ձայնակցել։ Ուկրաինայի օրհներգը կատարելու ժամանակ Սաակաշվիլիի երկու փաստաբաններն ու դահլիճում ներկաների մեծ մասը ոտքի էին կանգնել։
Թբիլիսիի քաղաքային դատարանում ընթացող դատավարությանը զուգահեռ, դատարանի շենքի մոտ Սաակաշվիլիի աջակիցները հերթական հանրահավաքն են անցկացրել՝ պահանջելով ազատ արձակել նախկին նախագահին։
