Միացյալ Նահանգների պետքարտուղար Էնթոնի Բլինքենն այսօր ժամանել է Մելբուռն, որտեղ կայանալուէ չորս երկրների՝ ԱՄՆ-ի, Ճապոնիայի, Հնդկաստանի և Ավստրալիայի ԱԳ նախարարների հանդիպումը։
Քառյակի հանդիպմանը նախատեսվում է քննարկել ընդհանուր նպատակներին հասնելու համատեղ ջանքերը, մասնավորապես՝ կլիմայի փոփոխությանն առնչվող քաղաքականությունը, Հարավասիական տարածաշրջանում քովիդի դեմ վակցինացիայի ապահովումը։ Հանդիպումն անցկացվում է մայիսին կայանալիք Տոկիոյի գագաթնաժողովին ընդառաջ, որտեղ պլանավորված է ԱՄՆ-ի նախագահ Ջո Բայդենի մասնակցությունը։
Ավստրալիայից Բլինքենը մեկնելու է Ֆիջի։ Վերջին չորս տասնամյակի ընթացքում սա կլինի ԱՄՆ-ի պետքարտուղարի առաջին այցը Խաղաղօվկիանոսյան տարածաշրջանում գտնվող Ֆիջի։
Բլինքենի այցը Արևելք հաջորդում է Չինաստանի և Ռուսաստանի նախագահների Պեկինում կայացած հանդիպմանը, որտեղ նրանք հայտարարեցին ռազմավարական համագործակցությունը է՛լ ավելի խորացնելու մտադրությունների մասին։
