Ռուս խաղաղապահները Լեռնային Ղարաբաղի ուսումնավարժարանում վարժանքներ են անցկացրել։ Այս մասին լրագրողներին հայտնել են Ռուսաստանի Պաշտպանության նախարարությունից։
Վարժանքները անցկացվել են ռազմական և հատուկ տեխնիկայի ներգրավմամբ։ 27 դիտակետերում խաղաղապահներն իրականացնում են իրավիճակի շուրջօրյա դիտարկում և վերահսկում, հրադադարի ռեժիմի պահպանում։
Ռուս խաղաղապահները Ղարաբաղում են՝ 2020-ի նոյեմբերի 9-ի եռակողմ հայտարարության շրջանակներում: Համաձայնագրով՝ զորակազմը տեղակայվել է 5 տարի ժամկետով, որը ևս հինգ տարով կարող է երկարաձգվել, եթե կողմերից որևէ մեկը ժամկետի ավարտին չպահանջի, որ առաքելությունը դուրս բերվի Ղարաբաղից։
