Միրզոյանը Մյունխենում հանդիպել է Իրանի և Սաուդյան Արաբիայի արտգործնախարարների հետ

Loading...

Հայաստանի արտգործնախարար Արարատ Միրզոյանը հանդիպել է Իրանի արտաքին քաղաքական գերատեսչության ղեկավար Հոսեյն Ամիր Աբդոլահիանի հետ։

Հայաստանի դիվանագիտական գերատեսչության փոխանցմամբ՝ նախարարները քննարկել են «Պարսից ծոց-Սև ծով» միջազգային տրանսպորտային միջանցքի ստեղծման հարցը՝ ընդգծելով դրան վերաբերող համաձայնագրի մշակմանն ուղղված հետագա աշխատանքների և ստորագրման անհրաժեշտությունը։

Բանակցությունների ընթացքում Հայաստանի ԱԳ նախարարը բարձր է գնահատել Իրանի դիրքորոշումը, որ վերաբերում է Հայաստանի տարածքային ամբողջականությանն ու սահմանների անձեռնմխելիությանը։ Ընդգծվել է նաև ԵԱՀԿ Մինսկի խմբի համանախագահության մանդատի ներքո ԼՂ հակամարտության խաղաղ և տևական կարգավորման անհրաժեշտությունը։

Նախարար Միրզոյանը Մյունխենում հանդիպել է նաև Սաուդյան Արաբիայի ԱԳ նախարարՖայսալ բին Ֆարհան Ալ Սաուդի հետ։ Կողմերը պատրաստակամություն են հայտնել աշխատել երկրների միջև երկկողմ և բազմակողմ օրակարգերի ձևավորման գործում։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button