ՆԱՏՕ-ի գլխավոր քարտուղար Յենս Ստոլտենբերգը Մյունխենի անվտանգության համաժողովում այսօր ասել է, որ Ռուսաստանին չի հաջողվի պառակտել դաշինքի երկրներին:
«Եթե Ռուսաստանը փորձի մեզ բաժանել, գործնականում կտեսնի հակառակը՝ էլ ավելի միավորված դաշինք: Իսկ եթե ուզում է դաշինքի ավելի փոքր ներկայություն իր սահմանների մոտ, ապա կստանա դրա հակառակը՝ ավելի շատ ՆԱՏՕ»,- ասել է գլխավոր քարտուղարը:
Միաժամանակ Ստոլտենբերգը Ռուսաստանին կոչ է արել հեռացնել զորքերն Ուկրաինայի սահմաններից և դիվանագետների մակարդակով սկսել բանակցություններ ճգնաժամը կարգավորելու համար:
«Ռուսաստանի համար երբեք ուշ չէ ետքայլ անել, վերջ տալ պատերազմին պատրաստվելուն և քաղաքական լուծում գտնելու համար բանակցել Հյուսիսատլանտյան դաշինքի ու դրա մյուս դաշնակիցների»,- ասել է գլխավոր քատուղարը:
