Լոնդոնը և Վաշինգտոնը պայմանավորվել են սահմանափակումներ մտցնել Ռուսաստանի նկատմամբ՝ Ուկրաինա ներխուժելու դեպքում իրենց արժույթներով առևտուր իրականացնելու համար, BBC-ին տված հարցազրույցում ասել է Մեծ Բրիտանիայի վարչապետ Բորիս Ջոնսոնը։
Նրա խոսքով՝ Մեծ Բրիտանիան և ԱՄՆ-ն թույլ չեն տա ռուսական ընկերություններին «առևտուր անել ֆունտով և դոլարով», ինչը, ինչպես նշել է վարչապետը, «էական հարված» կհասցնի ռուսական տնտեսությանը։
Բացի այդ, Ջոնսոնը կարծում է, որ Ուկրաինայի շուրջ ստեղծված ներկայիս իրավիճակը կարող է վերածվել Երկրորդ համաշխարհային պատերազմից հետո Եվրոպայում ամենամեծ պատերազմին։
«Ծրագիրը, որը մենք տեսնում ենք, վերաբերում է մի բանի, որը կարող է լինել ամենամեծ պատերազմը Եվրոպայում 1945 թվականից ի վեր միայն մասշտաբների առումով», – ասել է նա:
Մեծ Բրիտանիայի արտաքին գործերի նախարար Լիզ Թրասն իր հերթին կարծիք է հայտնել, որ Ռուսաստանի ծրագրերը ներառում են նախկին Խորհրդային Միության սահմանների վերականգնումը։
«Մենք պետք է դադարեցնենք Ռուսաստանի նախագահի ծրագրերը, քանի որ նա կանգ չի առնի Ուկրաինայի վրա», – շեշտել է նա:
