Ուկրաինայի արտաքին գործերի նախարար Դմիտրի Կուլեբան այսօր ՄԱԿ-ի Գլխավոր ասամբլեայի նիստում հայտարարել է, որ իր երկիրը երբեք չի ծրագրել և հիմա էլ չի ծրագրում Դոնբասի վրա ռազմական գրոհ, սադրանքներ և սաբոտաժի գործողություններ:
Նրա խոսքով, Ուկրաինայի շուրջ ճգնաժամը միակողմանի եղանակով ստեղծել և բորբոքում է Ռուսաստանի Դաշնությունը:
«Ուկրաինային հասցեագրված Ռուսաստանի մեղադրանքներն անհեթեթ են, Ուկրաինան երբեք որևէ մեկին չի սպառնացել, ոչ մեկի վրա չի հարձակվել»,- հայտարարել է Կուլեբան:
Արտաքին գործերի նախարարի փոխանցմամբ, Ռուսաստանն Ուկրաինայի վրա հարձակվելու մասին վկայող ազդանշաններ է տալիս:
«Մենք շատ ժամանակ չունենք դա կանխելու համար», – Նյու Յորքում ՄԱԿ-ի կենտրոնակայանում ասել է Դմիտրի Կուլեբան:
