Վաղը Եվրամիությունը կգումարի Ուկրաինայի հարցով արտակարգ գագաթնաժողով

Loading...

Եվրոպական միությունը վաղը Բրյուսելում կգումարի արտակարգ գագաթնաժողով, որի օրակարգում Ուկրաինայի ճգնաժամն է և, մասնավորապես, Դոնեցկի երկու ինքնահռչակ կազմավորումների անկախությունը ճանաչելու Կրեմլի որոշումը: Այդ մասին այսօր հայտնել է Եվրոպական խորհրդի նախագահ Շառլ Միշելը:

«Ռուսաստանի Դաշնության ագրեսիվ գործողությունները խախտում եմ միջազգային իրավակարգը, ոտնահարում են Ուկրաինայի տարածքային ամբողջականությունը և ինքնիշխանությունը, խարխլում են եվրոպական անվտանգությունը: Կարևոր է, որ մենք լինենք միասնական ու վճռական և համատեղ որոշենք մեր հավաքական մոտեցումն ու գործողությունները»,- հայտարարել է Միշելը:

Արտակարգ գագաթնաժողովը կգումարվի առկա ձևաչափով Բրյուսելի ժամանակով երեկոյան ժամը 8-ին:

Վաղը քաղաքական խմբավորումների ղեկավարների հետ արտակարգ հանդիպումներ է կազմակերպելու նաև Եվրախորհրդարանի նախագահ Ռոբերտա Մեցոլան:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button