ԵՄ երկրները համաձայնեցրին Ռուսաստանի դեմ պատժամիջոցերի նոր փաթեթը

Loading...

Եվրամիության անդամ երկրները համաձայնության են եկել Ռուսաստանի դեմ պատժամիջոցների նոր փաթեթի շուրջ՝ Ուկրաինա ներխուժելու համար։ Այս մասին հայտարարել է Եվրահանձնաժողովի ղեկավար Ուրսուլա ֆոն դեր Լայենը։

Բրյուսելի նոր պատժամիջոցները կազդեն ռուսական բանկային հատվածի և խոշոր պետական ընկերությունների 70 տոկոսի վրա՝ ներառյալ ռազմական արդյունաբերությունը։

Եվրամիությունը նախատեսում է արգելել նավթի արտահանումը և «անհնարին դարձնել Ռուսաստանի համար իր նավթավերամշակման գործարանների բարելավումը»:

Բացի այդ, ԵՄ-ը կարգելի օդանավերի և ավիացիոն տեխնիկայի վաճառքը ռուսական ավիաընկերություններին։ Պատժամիջոցների փաթեթը նախատեսում է նաև Ռուսաստանին կիսահաղորդիչների և ծրագրային ապահովման վաճառքի սահմանափակում։

Ռուս դիվանագետներն ու գործարարներն այլևս չեն կարողանա արտոնյալ կարգով ԵՄ մուտքի վիզաներ ստանալ:

Ֆրանսիայի նախագահ Էմանյուել Մակրոնը հայտարարել է, որ Եվրամիության կողմից հայտարարված պատժամիջոցներից բացի, Ֆրանսիան սեփական պատժամիջոցները կսահմանի Ռուսաստանի դեմ։ Դրանք կազդեն Ռուսաստանի մի շարք քաղաքացիների վրա: Այդ պատժամիջոցների մասին կհայտարարվի ավելի ուշ։ Բացի այդ, Ֆրանսիան Կիևին կտրամադրի ռազմական տեխնիկա և 300 միլիոն եվրոյի չափով ֆինանսական օգնություն։

Փետրվարի 24-ի վաղ առավոտյան սկսվել է Ռուսաստանի հարձակումը Ուկրաինայի վրա, հրթիռներ են արձակվել ուկրաինական առնվազն 25 քաղաքների օդանավակայանների և ռազմական ենթակառուցվածքների վրա։ Հարձակումը հետևել է Ուկրաինան «ապառազմականացնելու» «հատուկ գործողության» մասին ՌԴ նախագահ Վլադիմիր Պուտինի հայտարարությանը։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button