Ռուսական պատվիրակությունը ժամանել է Բելառուս՝ Ուկրաինայի հետ բանակցությունների համար, ասել է ՌԴ նախագահի մամուլի քարտուղար Դմիտրի Պեսկովը։
Պատվիրակության կազմում ընդգրկված են արտաքին գործերի նախարարության, պաշտպանության նախարարության և Ռուսաստանի այլ գերատեսչությունների, այդ թվում՝ նախագահի աշխատակազմի ներկայացուցիչներ, նշել է Պեսկովը։
Ավելի վաղ Զելենսկու գրասենյակի ղեկավարի խորհրդական Միխայիլ Պոդոլյակը հայտարարել էր, որ Ուկրաինան չի հրաժարվել բանակցություններից, սակայն «կտրականապես մերժում է ռուսական կողմի ցանկացած անընդունելի պայման կամ վերջնագիր»։
