Մոսկվան պնդում է, որ վերահսկողություն է սահմանել Զապորոժիեի ԱԷԿ-ի նկատմամբ, Կիևը հերքում է

Loading...

Պաշտոնական Մոսկվան պնդում է, որ Ուկրաինայի տարածք մուտք գործած Ռուսաստանի ԶՈՒ ստորաբաժանումները վերահսկողություն են սահմանել Եվրոպայի խոշորագույն Զապորոժիեի ատոմակայանի նկատմամբ։ Այս մասին հայտարարել է Ռուսաստանի Պաշտպանության նախարարության պաշտոնական ներկայացուցիչ գեներալ-մայոր Իգոր Կոնաշենկովը։

Ռուսաստանցի զինվորականի խոսքով՝ ատոմակայանի անձնակազմը «շարունակում է բնականոն ռեժիմով կատարել իր պարտականությունները»։

Ուկրաինայի ատոմային էներգետիկան կառավարող «Էներգոատոմ» ընկերությունից, սակայն, կտրականապես հերքում են պաշտոնական Մոսկվայի տարածած այս տեղեկատվությունը՝ հայտարարելով, որ Զապորոժիեի ԱԷԿ-ը և դրա հարևանությամբ գտնվող Էներգոդար քաղաքը շարունակում են վերահսկվել ուկրաինական բանակի կողմից։

Եթե Ռուսաստանի ԶՈՒ տարածած տեղեկատվությունը հաստատվի՝ Զապորոժիեի ԱԷԿ-ը Ուկրաինայի տարածքում գործող չորս ատոմակայաններից երկրորդը կլինի, որ ռազմական գործողությունների սկզբից ի վեր անցած կլինի ռուսական վերահսկողության ներքո։ Առաջինը Չեռնոբիլի ատոմակայանն է, որ ռուսական զորքերի վերահսկողության տակ անցավ պատերազմի առաջին իսկ օրը։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button