Ռուսաստանի գլխավոր դատախազությունը Ռոսկոմնադզորից պահանջել է արգելափակել «Էխո Մոսկվի» ռադիոկայանն ու «Դոժդ» հեռուստաալիքը։
Պաշտոնական հաղորդագրությունը պնդում է, թե իբր լրատվամիջոցները «կեղծ տեղեկություններ են հրապարակում ռուս զինվորականների գործողությունների մասին», որոնց նպատակն է «պաշտպանել» Դոնեցկի և Լուգանսկի ինքնահռչակ հանրապետությունները։
Դատախազսւթյունը նաև պնդել է, թե լիբերալ հայացքներով հայտնի լրատվամիջոցները «նպատակաուղղված և կանոնավոր կերպով տեղեկություններ են հաղորդում՝ դրդելով մարդկանց բռնության ու ծայրահեղականության»։ Ըստ «Նովայա գազետայի», այս լրատվամիջոցների կայքերն արդեն արգելափակվել են։
«Էխո Մոսկվիի» գլխավոր խմբագիր Ալեքսեյ Վենեդիկտովը հայտնել է, որ ռադիոկայանը նաև եթերազրկվել է։
