ՀՀ-ն կարևորում է խաղաղությունը և կայունությունը տարածաշրջանում. Փաշինյանը` ԵՄ-ում Կանադայի հատուկ բանագնացին

Loading...

Վարչապետ Նիկոլ Փաշինյանը միջազգային ու տարածաշրջանային անվտանգության հարցերի շուրջ այսօր զրուցել է Եվրոպական միությունում և Եվրոպայում Կանադայի հատուկ բանագնաց Ստեֆան Դիոնի հետ:

Գերմանիայում Կանադայի դեսպանին Հայաստանի ղեկավարը ներկայացրել է Հայաստանի դիրքորոշումները հայ-ադրբեջանական սահմանի սահմանագծման և սահմանազատման, Լեռնային Ղարաբաղի հակամարտության կարգավորման, տարածաշրջանային հաղորդակցության ուղիների բացման առնչությամբ, ինչպես նաև անդրադարձել միջազգային գործընկերների միջնորդությամբ կայացած հանդիպումների արդյունքում ձեռք բերված պայմանավորվածություններին: Այս մասին հայտնում է կառավարությունը:

Նիկոլ Փաշինյանը նշել է, որ Հայաստանը կարևորում է խաղաղությունը և կայունությունը տարածաշրջանում` ակնկալելով միջազգային գործընկերների օժանդակությունն այդ գործընթացին:

Հանդիպման ընթացքում նաև այլ թեմաներ են քննարկվել, մասնավորապես Հայաստանում ժողովրդավարության հզորացմանը և այդ համատեքստում հայ-կանադական գործընկերության ընդլայնմանը վերաբերող հարցեր:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button