Ղազախստանի իշխող կուսակցությունը վերանվանվեց

Loading...

Ղազախստանի իշխող կուսակցությունը վերանվանվել է՝ նախկին նախագահ Նուրսուլթան Նազարբաևի նախաձեռնությամբ ստեղծված «Նուր Օթան» («Հայրենիքի լույս») կուսակցությունն այսուհետ կկոչվի «Ամանաթ» («Նախնիների կտակ»):

Երկրի ղեկավար, կուսակցության առաջնորդ Կասիմ-Ժոմարտ Տոկաևը, ելույթ ունենալով համագումարում, հայտարարել է, որ «կուսակցության ռեբրենդավորումն այնքան էլ այն անվանափոխելու, ցուցանակի փոփոխման մասին չէ, առաջին հերթին անհրաժեշտ է վերակառուցել ամբողջ կուսակցական աշխատանքը»։

Ըստ Տոկաևի, «թարգմանաբար ամանաթ բառը նշանակում է նախնիների կտակ, մանդատ ապագա սերունդներին, սա խորը հասկացություն է, որն առանձնահատուկ սիմվոլիկա ունի մեր ժողովրդի պատմության և մշակույթի մեջ»։

Ղազախստանի իշխող կուսակցությունը ստեղծվել է 1999 թվականին երկրի առաջին նախագահ Նուրսուլթան Նազարբաևի նախաձեռնությամբ՝ որպես «Օթան» կուսակցություն։ Այնուհետև այն վերանվանվել է «Նուր Օթան»։

Հունվարի վերջին «Նուր Օթան»-ի հիմնադիր և անփոփոխ առաջնորդը հրաժարվեց այդ պաշտոնից՝ փոխանցելով այն Տոկաևին։

Դա տեղի ունեցավ Ղազախստանում զանգվածային բողոքի ցույցերից և անկարգություններից հետո, որոնք ճնշվեցին ՀԱՊԿ զորքերի օգնությամբ։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button