Ադրբեջանի պաշտպանության նախարարության ֆինանսաբյուջետային վարչության պետ, գեներալ-մայոր Նիզամի Մամեդովը ձերբակալվել է պետական միջոցները յուրացնելու մեղադրանքով:
«Մամեդովը մեղադրվում է 80 միլիոն 600 հազար մանաթ (47 միլիոն 400 հազար ամերիկյան դոլար) յուրացնելու համար»,- ասվում է նախարարության տարածած հաղորդագրությունում:
Դատարանի վճռով գեներալ-մայոր Մամեդովը ձերբակալվել է 4 ամսով: Հետաքննությունը վարում է Ադրբեջանի պետական անվտանգության ծառայությունը: Գործի մանրամասների վերաբերյալ տեղեկատվություն չի հաղորդվում:
