Սերբիայի աջակողմյան ուժերը սատարում են Ուկրաինայում Ռուսաստանի գործողությունը

Loading...

Երեկ Սերբիայի մայրաքաղաք Բելգրադում մոտ 4 հազար աջակողմյան ակտիվիստներ կազմակերպել են երթ` ի պաշտպանություն Ուկրաինայում Ռուսաստանի վարած պատերազմի:

Ակցիան կազմակերպել է Narodne patrole (Ժողովրդական պարեկություն) ազգայնական շարժումը: Սերբական դրոշները, Ռուսաստանի եռագույնը պարզած, նախագահ Վլադիմիր Պուտինի նկարները պահած ակտիվիստները երթով հասել են մինչև Սերբիայում Ռուսաստանի դեսպանատուն:

Ազգայնական-կրոնական աջակողմյան սերբերի համոզմամբ, այս օրերին տեղի է ունենում ոչ թե ռուս-ուկրաինական զինված առճակատում, այլ «չար և բարի ուժերի պատերազմ հանուն քաղաքակրթության և ուղղափառության», և հավատում են, որ «Աստծո կամոք Մայր Ռուսաստանը կհաղթի»:

Սերբիան փորձում է պահպանել հավասարակշռությունը և եվրոպական ինտեգրման քաղաքականություն վարելով` փորձում է միաժամանակ չխզել կապերն ավանդական դաշնակից համարվող Ռուսաստանի հետ:

Երեկ Սերբիայի նախագահ Ալեքսանդր Վուչիչն ասել է, որ Բելգրադը ճանաչում է Ուկրաինայի ինքնիշխանությունը և տարածքային ամբողջականությունը և պատրաստ է փախստականներ ընդունել:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button