ՄԻՊ-ն ու ԿԽՄԿ պատվիրակության ղեկավարը քննարկել են հայ ռազմագերիների վերադարձի գործընթացին առնչվող հարցեր

Loading...

Մարդու իրավունքների պաշտպան Քրիստիննե Գրիգորյանն ու Հայաստանում Կարմիր խաչի միջազգային կոմիտեի պատվիրակության ղեկավար Թիերի Ռիբոն քննարկել են Ադրբեջանում գերության մեջ գտնվող հայկական կողմի զինծառայողների ու քաղաքացիական անձանց իրավունքներին և վերադարձի գործընթացին առնչվող հարցեր։

Մասնավորապես, Թիերի Ռիբոն անդրադարձել է Ադրբեջանում գտնվող հայ ռազմագերիների և քաղաքացիական անձանց հետ տարվող աշխատանքներին, ներառյալ ինչպես պատերազմից առաջ, այնպես էլ դրանից հետո անհետ կորած անձանց առնչությամբ իրականացվող աշխատանքներին:

Պաշտպանը մտահոգիչ է համարել շփման գծին կամ ադրբեջանական հենակետերին մոտ տեղակայված գյուղերի բնակչության բնականոն կյանքը խաթարելուն միտված «ադրբեջանական զինված ուժերի սադրանքները՝ վկայակոչելով Խրամորթում և Նորշենում տեղի ունեցած դեպքերը»:

Պաշտպանի դիրքորոշմամբ` սա շարունակվող, կազմակերպված և մեկ կետից կառավարվող քաղաքականության արդյունք է: Ֆրանսիայի դեսպան Անն Լույոյի հետ զրույցում ևս պաշտպանը նշել է, որ նման քաղաքականության ապացույց է նաև երկու հայ ռազմագերիների՝ Իշխան Սարգսյանի և Վլադիմիր Ռաֆայելյանի նկատմամբ հարուցված դատավարությունները, ովքեր դատապարտվել են համապատասխանաբար և 19 և 18 տարի ազատազրկման: Պաշտպանը նշել է, որ դրանք արհեստական դատավարություններ են, ինչը Ժնևյան կոնվենցիայի կոպիտ խախտում է:

Պայմանագրային զինծառայողները գերի էին ընկել անցած մայիսին Գեղարքունիքի սահմանային հատվածում ինժեներական աշխատանքներ կատարելիս։ Սարգսյանն ու Ռաֆայելյանը մեղադրվում են հրազենով ահաբեկչություն կատարելու, ապօրինի զենք-զինամթերք ձեռք բերելու, պետական սահմանն ապօրինի հատելու համար։ Հայաստանի պաշտպանության նախարարությունը, սակայն հայտարարել էր՝ հայ զինծառայողները գտնվել են Հայաստանի տարածքում և չեն հատել սահմանը։

Ըստ պաշտոնական Բաքվի՝ Ադրբեջանում պահվող 38 գերիներից երեքը քաղաքացիական անձինք են։ Հայկական կողմի պնդմամբ, սակայն, գերիների թիվ հասնում է առնվազն 80-ի։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button