Ուկրաինական հետախուզության համաձայն` Խարկով քաղաքի մերձակայքում տեղի ունեցած մարտերի ժամանակ սպանվել է ռուս բարձրաստիճան զինվորական։ Ուկրաինայի հատուկ ծառայությունները վկայակոչում են հեռախոսազանգերը, որոնք, ինչպես պնդում են՝ մասամբ հաստատում են գեներալ- մայոր Վիտալի Գերասիմովի մահը։
Տեղեկությունը ռուսական կողմից պաշտոնապես հաստատվելու դեպքում սա կլինի երկրորդ բարձրաստիճան գեներալը, ով սպանվել է Ուկրաինայում շուրջ երկու շաբաթ շարունակվող պատերազմի ընթացքում։ Գերասիմովի մահը մինչ այս պահը չեն հաստատել նաև անկախ աղբյուրները։
Ռուսական բանակի բարձրաստիճան սպան մասնակցել է Երկրորդ չեչենական պատերազմին, ինչպես նաև Սիրիայում և Ղրիմում Ռուսաստանի զինված ուժերի ռազմական գործողություններին։
