Բրիտանիայում քննարկում են Ուկրաինա հակաօդային պաշտպանության բրիտանական համակարգեր տրամադրելու հնարավորությունը:
Խոսքը Thales ընկերության արտադրած Starstreak շարժական հակաօդային հրթիռի մասին է, որը փոխադրելու, սպասարկելու և արձակելու համար ընդամենը մեկ զինծառայող է պետք:
«Ես կողմ եմ, որ Ուկրաինան կարողանա օգտագործել իր ինքնիշխան օդային տարածքը և արդյունավետ ռազմական գործողություններով հակազդել ռուսների զանգվածային ներխուժմանը, հրետանուն, որն առանց տարբերություն դնելու սպանդ և ավեր է տարածում այդ երկրում: Մենք պետք է հզորացնենք Ուկրաինայի հակաօդային պաշտպանությունը»,- խորհրդարանում ասել է Բրիտանիայի պաշտպանության նախարար Բեն Ուոլեսը:
Որպես ՆԱՏՕ-ի անդամ Բրիտանիան վերջերս մերժել է Ուկրաինայում թռիչքազերծ գոտի սահմանելու Կիևի խնդրանքը:
