Խորվաթիայի Զագրեբ քաղաքի կենտրոնում՝ Յարուն զբոսայգում, վեց տոննա կշռող հետախուզական անօդաչու թռչող սարք է ընկել։ Տուժածներ չկան։
Երկրի նախագահ Զորան Միլանովիչը հայտարարել է, որ սարքը արտադրված է ԽՍՀՄ-ում, բայց թե որ երկրի զինված ուժերին է այն պատկանում, խորվաթական իշխանություններին պարզել չի հաջողվել:
Անօդաչուն Խորվաթիայի օդային տարածք է մտել Հունգարիայից, սահմանը հատելուց յոթ րոպե անց ընկել է՝ ենթադրաբար վառելանյութի սպառման պատճառով։ Ե՛վ Հունգարիան, և՛ Խորվաթիան ՆԱՏՕ-ի անդամ են։
«Ինչպե՞ս է հնարավոր, որ սարքը ավելի քան մեկ ժամ անցկացնի ՆԱՏՕ-ի անդամ երկրի տարածքում, և ոչ ոք չնկատի այն», – տարակուսել է Խորվաթիայի նախագահը:
