ՆԱՏՕ-ն բոլոր անդամներից սպասում է պատժամիջոցներ Մոսկվայի դեմ, Անկարան, սակայն, չի միանա

Loading...

Թուրքիան չի միանա Ուկրաինայում պատերազմի պատճառով Ռուսաստանի դեմ մի շարք արևմտյան երկրների պատժամիջոցներին, հայտարարել է երկրի արտգործնախարարը։

Այսօր Անթալիայի դիվանագիտական համաժողովում Մևլյութ Չավուշօղլուն, ռուսաստանյան ՏԱՍՍ-ի փոխանցմամբ, ասել է․ — «Մենք համարում ենք, որ պատժամիջոցները խնդիրը չեն լուծի։ Օրինակ՝ օդային տարածքի փակումը։ Մենք չենք կարող այն փակել Մոնտրյոյի կոնվենցիային համապատասխան։ Դա իրավական պարտավորություն է»։

Մինչդեռ ՆԱՏՕ-ի գլխավոր քարտուղար Յենս Ստոլտենբերգը, ինչպես նշում է ռուսական պետական լրատվական գործակալությունը, նույն համաժողովի շրջանակում հայտարարել է, թե Հյուսիսատլանտյան դաշինքը բոլոր անդամներից, որոնց թվում է նաև Թուրքիան, սպասում է Մոսկվայի դեմ սահմանափակումների կիրառում։ Նա հայտնել է, թե այդ դիրքորոշումը ներկայացրել է Թուրքիայի արտաքին քաղաքական գերատեսչության ղեկավարին։

Պաշտոնական Անկարան այս ամսվա սկզբին էլ հայտարարել էր, որ հակված չէ միանալու Մոսկվայի դեմ պատժամիջոցներին։ Թուրքիան ձգտում է հավասարակշռող դեր խաղալ ռուս — ուկրաինական հակամարտությունում և իր միջնորդությունն է առաջարկում խաղաղության բանակցություններում։ Անթալիայի ֆորումի շրջանակում, մասնավորապես, Թուրքիայի նախաձեռնությամբ կայացավ Ռուսաստանի և Ուկրաինայի արտգործնախարարների հանդիպում։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button