Վահագն Խաչատրյանը՝ ընտանիքի հետ, հյուրընկալվել է նախագահականում

Loading...

Վահագն Խաչատրյանը Հայաստանի նախագահի պաշտոնն ստանձնելու հանդիսավոր արարողությունից և «Եռաբլուր» զինվորական պանթեոն այցից հետո, տիկնոջ՝ Անահիտ Մինասյանի հետ հյուրընկալվել է ՀՀ նախագահի նստավայրում:

Նախագահական պալատի մուտքի մոտ նրանց դիմավորել է ՀՀ նախագահի լիազորությունները կատարող Ալեն Սիմոնյանը տիկնոջ՝ Մարիամ Մարգարյանի հետ։

Դիմավորմանը հաջորդած զրույցի ընթացքում Սիմոնյանը ևս մեկ անգամ շնորհավորել է Խաչատրյանին և հաջողություններ ու արդյունավետ աշխատանք մաղթել, հաղորդում է նախագահականը։

Խաչատրյանն ընդգծել է, որ մեծ պատասխանատվությամբ է ստանձնում երկրի նախագահի պաշտոնը և իր գործունեության ընթացքում առաջնորդվելու է բացառապես համապետական և համազգային շահերով, ասված է նախագահականի հաղորդագրությունում։

Զրույցի ավարտին նրանք շրջել են նախագահական նստավայրի տարածքում։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button