Հայաստանի ու Կանադայի վարչապետները հեռախոսազրույց են ունեցել` քննարկելով Լեռնային Ղարաբաղի շուրջ լարվածության աճը: Տարածաշրջանում կայունության ու խաղաղության ապահովման առումով Նիկոլ Փաշինյանն ու Ջասթին Թրյուդոն կարևորել են ԵԱՀԿ Մինսկի խմբի համանախագահության շրջանակում Լեռնային Ղարաբաղի հիմնախնդրի համապարփակ կարգավորումը:
Նրանք անդրադարձել են Հարավային Կովկասում տեղի ունեցող գործընթացներին, այդ թվում՝ Հայաստանի և Ադրբեջանի միջև սահմանագծման և սահմանազատման հնարավորություններին, ինչպես նաև հայ-թուրքական երկխոսությանը, փոխանցում է հայկական կողմը:
Ուկրաինայում ստեղծված իրավիճակին ևս զրույցի ընթացքում անդրադարձ է կատարվել` ըստ հաղորդագրության:
Բաքուն, սակայն, կա՛մ հերքում է, կա՛մ պնդում, թե հայկական զինված ուժերն են խախտում հրադադարը։
