ԿԲ-ն բարձրացնում է վերաֆինանսավորման տոկոսադրույքը՝ սահմանելով 9.25 տոկոս

Loading...

Կենտրոնական բանկի խորհուրդն այսօր որոշել է բարձրացնել վերաֆինանսավորման տոկոսադրույքը 1.25 տոկոսային կետով՝ սահմանելով 9.25 տոկոս:

Այս փետրվարին և՛ 12-ամսյա, և՛ բնականոն գնաճերը ԿԲ կանխատեսումներին համահունչ նվազել են և կազմել համապատասխանաբար 6.5 տոկոս և 6.4 տոկոս, նշված է ԿԲ հաղորդագրության մեջ:

Հայաստանի գլխավոր դրամատունը նշում է, որ Ռուսաստանի դեմ կիրառված պատժամիջոցների ազդեցությունը Հայաստանի տնտեսության վրա կարտահայտվի տնտեսական աճի տեմպերի զգալի դանդաղմամբ:

«Սա առավելապես տեղի կունենա արդյունաբերության ճյուղի անկման հաշվին: Ամբողջական պահանջարկը իր վրա կկրի դրամական փոխանցումների նվազման և արտաքին պահանջարկի թուլացման ազդեցությունները: Զբոսաշրջության ոլորտից սպասվում է դրական նպաստում: Տարածաշրջանի աշխարհաքաղաքական ռիսկերի ավելացումը և բարձր անորոշությունը հանգեցրել է ՀՀ ֆինանսական շուկաներում տատանողականության աճի և ռիսկի հավելավճարի մեծացման: Առկա անորոշություններն արտահայտվել են նաև գնաճի և գնաճային սպասումների վարքագծում:

Ստեղծված իրավիճակում Խորհուրդը նպատակահարմար է գտնում համեմատաբար մեծ քայլով բարձրացնել վերաֆինանսավորման տոկոսադրույքը», — նշում է ԿԲ-ն` հավելելով, որ խորհուրդը գնահատում է, որ տնտեսական հեռանկարի հետ կապված անորոշության և գնաճային սպասումների ավելացման ռիսկերի պահպանման դեպքում առաջիկայում ևս կդիտարկի դրամավարկային պայմանների հնարավոր խստացման անհրաժեշտությունը։

«Քաղաքականության նման գործողությունների արդյունքում 12-ամսյա գնաճն աստիճանաբար կնվազի և կանխատեսվող հորիզոնում կմոտենա նպատակային 4 տոկոս ցուցանիշին», — հավաստիացնում է Կենտրոնական բանկը:

Ուկրաինայի վրա հարձակման` պատերազմի պատճառով Ռուսաստանի դեմ պատժամիջոցների նորանոր փաթեթներ են ընդունվում:

Սպիտակ տան մամուլի քարտուղար Ջեն Սաքին այսօր հայտարարել է, որ ԱՄՆ-ն իր դաշնակիցների հետ «ջախջախել է» ռուսական տնտեսությունը։ Եվրոպական միությունը երեկ հաստատեց Ռուսաստանի նկատմամբ պատժամիջոցների չորրորդ փաթեթը: Լրացուցիչ սանկցիաներ են ծրագրվում ռուսական բանկերի, մետալուրգիայի և էներգետիկայի նկատմամբ։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button