Միացյալ Նահանգների նախագահի խորհրդականը Հռոմում հանդիպել է Չինաստանի կոմունիստական կուսակցության բարձրաստիճան պաշտոնյայի հետ: Վաշինգտոնը նախազգուշացրել է Պեկինին, որ կլինեն հետևանքներ, եթե որոշում կայացվի աջակցություն ցուցաբերել Մոսկվային Արևմուտքի տնտեսական պատժամիջոցների պայմաններում, հայտարարել է Պետդեպարտամենտի մամուլի ծառայության ղեկավար Նեդ Փրայսը։
ԱՄՆ նախագահի ազգային անվտանգության հարցերով խորհրդական Ջեյք Սալիվանը և պետքարտուղարի Արևելյան Ասիայի և Խաղաղ օվկիանոսի հարցերով օգնական Դենիել Քրիթենբրինքը Իտալիայի մայրաքաղաքում հանդիպել են Չինաստանի կոմկուսի արտաքին հարաբերությունների հանձնաժողովի գրասենյակի ղեկավար, քաղբյուրոյի անդամ Յան Չզեչիի հետ։
