Բուլղարիան անցանկալի անձ է հռչակել Ռուսաստանի դիվանագիտական ներկայացուցչության 10 աշխատակցի, որոնց 72 ժամ է տրվել երկիրը լքելու համար։ Այս մասին հայտարարել են Բուլղարիայի արտգործնախարարությունը և Սոֆիայում ՌԴ դեսպանատունը։
ՏԱՍՍ գործակալությունը մեջբերում է Բուլղարիայում Ռուսաստանի դեսպան Էլեոնորա Միտրոֆանովային, ով Բուլղարիայի իշխանությունների գործողությունները որակել է «ծայրաստիճան ոչ բարեկամական արարք»։
Բուլղարիայի արտգործնախարարությունը ռուս դիվանագետների արտաքսման պատճառների վերաբերյալ մանրամասներ չի հայտնել՝ բավարարվելով «դիվանագիտական կարգավիճակի հետ անհամատեղելի գործողությունների համար» ձևակերպմամբ։
