Կիևը պնդում է, որ գերեվարվել է առնվազն 562 ռուս զինծառայող

Loading...

Ուկրաինայի իշխանությունները պնդում են, որ փետրվարի 24-ին մեկնարկած պատերազմի ընթացքում գերեվարվել է առնվազն 562 ռուս զինծառայող: Այդ թիվի հայտնել է Ուկրաինայի փոխվարչապետ Իրինա Վերեշչուկը:

Նրա փոխանցմամբ, «բոլոր գերիներին վերաբերվում են միջազգային մարդասիրական իրավունքին համապատասխան»:

Ուկրաինայի նախագահ Վլադիմիր Զելենսկին ավելի վաղ ասել է, թե գերի է ընկել մոտ հազար ռուսաստանցի զինծառայող:

Վերեշչուկը նշել է, որ պաշտոնական տվյալները «գուցեև ամբողջական չեն, և նախագահի նշած թիվը կարող է ավելի մոտ լինել իրականությանը»:

Փոխվարչապետը հաստատել է Ուկրաինայի դատախազ Իրինա Վենեդիկտովայի հրապարակած տեղեկությունն այն մասին, որ երկրում ստեղծվել են հատուկ ճամբարներ ռուս գերիների համար:

«Նրանք ամեն ինչով ապահովված են, ստանում են նույն սնունդը, որը տրվում է ուկրաինացի զինծառայողներին: Գերիների թիվը կհասնի հազարների: Երբ նրանց հարցնում են, նրանք ասում են, թե չեն ուզում վերադառնալ Ռուսաստան»,- ասել է գլխավոր դատախազը:

Նա պնդել է, որ գերիների թվում կան նաև զորակոչիկներ: Ռուսաստանը պատերազմի առաջին օրերին հավաստիացրել է, թե զորակոչիկներին Ուկրաինա չեն ուղարկում, բայց հետո խոստովանել է, որ զորակոչիկները մասնակցում են պատերազմին և նրանց թվում կան նաև գերիներ:

Արևմտյան լրատվական միջոցները նշում են, որ այսօր անկախ աղբյուրները չեն կարող ստուգել և հաստատել կամ մերժել թե՛ Ռուսաստանի և թե՛ Ուկրաինայի հրապարակած թվերը զոհերի, վիրավորների կամ գերիների մասին:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button