Ռուս հեռուստալրագրող Ժաննա Ագալակովան ի նշան բողոքի հեռանում է Առաջին ալիքից

Loading...

Ռուսաստանցի անվանի հեռուստալրագրող Ժաննա Ագալակովան, ով վերջին տարիներին Ռուսաստանի Առաջին ալիքի համար ռեպորտաժներ է պատրաստել արտասահմանից, ի նշան բողոքի հեռանում է աշխատանքից:

«Ես հեռացա Առաջին ալիքից հենց պատերազմի առաջին օրը»,- այսօր Փարիզում ասել է Ագալակովան:

Նրա խոսքով, Ռուսաստանում վերջին տարիների ընթացքում սկսել են խեղդել անկախ մամուլը, որը դժվարությամբ է գոյատևում:

Լրագրողն ասել է, թե զրուցել է Առաջին ալիքի ղեկավարների հետ և ասել է, որ այլևս չի կարող աշխատել: Նա չի բացառում, որ հիմա ռուս պաշտոնյաները կդատապարտեն իր այդ քայլը, կանվանեն օտարերկրյա ագենտ:

Ժաննա Ագալակովան ասել է, թե ուզում է, որ Ռուսաստանում լսեն իր որոշման մասին, ուզում է, որ «մարդիկ չզոմբիանան և փորձեն լրատվության այլընտրանքային աղբյուրներ գտնել»:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button