Մեծ Բրիտանիայի պաշտպանության նախարարությունը հերթական հաղորդագրությունն է հրապարակել Ուկրաինայում տիրող իրավիճակի մասին։
Գերատեսչության համաձայն՝ Ուկրաինայի հյուսիսում իրավիճակը հիմնականում նույնն է, «ռուսական ուժերը, ամենայն հավանականությամբ, կվերակազմակերպվեն նախքան լայնածավալ հարձակողական գործողությունները վերսկսելը»:
«Ռուսական ուժերը փորձում են շրջափակել ուկրաինական զորքերը երկրի արևելքում, առաջ շարժվելով հյուսիսից՝ Խարկովի մարզից, և հարավից՝ Մարիուպոլի շրջանից», – ասվում է հաղորդագրությունում։
Ըստ բրիտանական ռազմական գերատեսչության, ռուսական ուժերը շարունակում են փորձել շրջապատել Նիկոլաևը՝ նպատակ ունենալով ավելի առաջ շարժվել դեպի արևմուտք՝ Օդեսա։
