Մարտի 23-ին 85 տարեկանում քաղցկեղից վախճանվել է Միացյալ Նահանգների նախկին պետական քարտուղար Մադելին Օլբրայթը: Այդ լուրը հաստատել է պետական դեպարտամենտի մամլո խոսնակ Նեդ Փրայսը:
Նրա փոխանցմամբ, օդանավով Եվրոպա ուղևորվող նախագահ Ջո Բայդենը և պետքարտուղար Էնթոնի Բլինքենն արդեն տեղեկացվել են Օլբրայթի մահվան մասին:
Մադելին Օլբրայթը Միացյալ Նահանգների առաջին կին պետքարտուղարն էր:
Նախագահ Բիլ Քլինթոնի պաշտոնավարման օրոք Օլբրայթը նախ զբաղեցրել է ՄԱԿ-ում ԱՄՆ-ի մշտական ներկայացուցի պաշտոնն, ապա հաստատվել է պետական քարտուղարի պաշտոնում:
