Եվրոպան կրճատում է ռուսական էներգակիրների ներկրման ծավալը

Loading...

Միացյալ Նահանգները խոստացել է 15 միլիարդ խորանարդ մետր հեղուկ գազ ուղարկել Եվրամիության շուկա: Այդպիսով Եվրոպան պետք է կրճատի ռուսական էներգակիրների ներկրման ծավալը:

Միացյալ Նահանգների նախագահ Ջո Բայդենը և Եվրոպական հանձնաժողովի նախագահ Ուրսուլա ֆոն դեր Լայենը Բրյուսելում հայտնել են, որ ստեղծվում է հատուկ աշխատանքային խումբ, որի նպատակն է Ուկրաինայի վրա Ռուսաստանի հարձակման կապակցությամբ նվազեցնել Եվրոպայի կախվածությունը ռուսական էներգակիրների մատակարարումից:

«Այսօր մենք համաձայնեցրել ենք համատեղ ծրագիրը, որի նպատակն է առաջ շարժվել դեպի ապահով և մաքուր էներգիա», — ասել է Բայդենը:

Նրա փոխանցմամբ, Միացյալ Նահանգները և Եվրոպան ամեն կերպ պետք է խթանեն վերականգնվող էներգետիկայի զարգացումը և նվազեցնեն էներգիայի պահանջարկը:

Միացյալ Նահանգների և Եվրամիության համատեղ աշխատանքային խմբի նպատակներից է ապահովել, որ մինչև 2030 թվականը Եվրոպան ստանա լրացուցիչ առնվազն 50 միլիարդ խորանարդ մետր հեղուկ գազ: Բնական գազի սակագինը վերջին շրջանում աննախադեպ աճ է գրանցել:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button